Америкийн рок хөгжмийн ертөнцийн томоохон төлөөлөгчдийн нэг Foo Fighters хамтлаг NPR Music-ийн алдартай Tiny Desk Concert цувралд анх удаа оролцлоо. Дэйв Грол тэргүүтэй тус хамтлаг энэхүү тоглолтоороо фэнүүддээ гэнэтийн бэлэг барьж, шинэ цомгийнхоо "Your Favorite Toy" цомгоос хоёр шинэ дууг толилуулсан байна.
Тэд мөн "My Hero", "Learn To Fly", "Everlong" зэрэг хит дуунуудаа акустик хувилбараар тоглож, үзэгчдийг байлдан дагуулсан. Tiny Desk Concert-ийн гол онцлог нь хөгжимчид албан бус, дотно орчинд хөгжимддөгт оршдог бөгөөд Foo Fighters ч энэхүү уур амьсгалд бүрэн нийцэж, өөрсдийн эрч хүчтэй, хөгжилтэй тоглолтоороо ялгарч чадсан юм.
Foo Fighters нь 1994 онд Nirvana хамтлагийн бөмбөрчин Дэйв Гролын санаачилгаар байгуулагдсан бөгөөд олон жилийн турш рок хөгжмийн ертөнцөд өөрийн гэсэн өнгө төрх, байр суурийг бий болгож чадсан билээ. Тэд олон арван жилийн турш хит дуунуудаа гаргаж, дэлхий даяар сая сая хувь цомог борлуулж, Грэммийн шагнал хүртэж байсан арвин түүхтэй.
Tiny Desk Concert нь NPR Music-ийн санаачилсан, хөгжимчид NPR-ийн Вашингтон дахь төв байрны жижигхэн оффисын ширээний ард тоглодог цуврал юм. Энэхүү цуврал нь хөгжимчдийг илүү дотно, энгийн орчинд сонсогчдод хүргэх зорилготой бөгөөд олон алдартай уран бүтээлчид оролцож байсан билээ.
