Grand Theft Auto (GTA) цуврал тоглоомын нэгэн хөгжүүлэгч Dryxio нэртэй моддер өөрийн бүтээсэн шинэ технологио олон нийтэд танилцууллаа. Тэрээр YouTube хуудсаараа дамжуулан GTA-ийн өөр өөр ангиудыг нэгэн зэрэг ажиллуулж, тэдгээрийн хооронд порталаар дамжин шилжих боломжтой болгосноо харуулсан байна.
Энэхүү шинэ бүтээлийн онцлог нь San Andreas, Vice City болон Liberty City гэсэн гурван өөр ертөнцийг бодит цагийн горимд нэгэн зэрэг ажиллуулдагт оршино. Тоглогч порталаар дамжин өөр тоглоомын хөдөлгүүр рүү шилжихэд ачаалах хугацаа шаардагдахгүй бөгөөд бусад ертөнцүүд нь цаанаа үргэлжлэн ажилласаар байдаг байна.
Dryxio-ийн тайлбарласнаар, тоглоом бүр өөрийн гэсэн хадгалалт, даалгавар, тохиргоотой хэвээр үлдэх бөгөөд хиймэл оюун ухаан, замын хөдөлгөөн, физикийн хуулиуд нь бодит цагт үргэлжлэн хэрэгждэг аж. Мөн сумны тусгал болон цагдаа нарын үйлдэл зэрэг нь тухайн ертөнцийн онцлогт тохируулан хариу үйлдэл үзүүлдэг байна.
Одоогоор энэхүү мод нь албан ёсоор гараагүй байгаа бөгөөд сонирхогчид түүний Github хуудсыг дагаж, шинэ мэдээлэл авах боломжтой юм. Энэхүү сонирхолтой бүтээл нь удахгүй нээлтээ хийх Grand Theft Auto 6 тоглоомын эргэн тойронд үүсээд буй хүлээлттэй зэрэгцэн гарч ирж байгаагаараа онцлогтой байна.
