Хүлээлт өндөр байгаа Grand Theft Auto 6 тоглоомын албан бус хэд хэдэн бичлэг цахим орчинд цацагджээ. Тус бичлэгүүд нь бүгд ойролцоогоор нэг минут үргэлжлэх бөгөөд тоглоомын эхэн үеийн хувилбарууд байж болзошгүй байна.
Эдгээр дүрс бичлэгт тоглоомын дүр болох Жэйсон (Jason) байшингийнхаа гадаа сагсан бөмбөг тоглож буй, Vice City хотоор машин жолоодон явж буй үйл явдал гардаг аж. Түүнчлэн тоглоомын гол бус дүрүүд (NPC), ялангуяа цагдаа нар хэрхэн ажиллаж, хариу үйлдэл үзүүлэх төлөвтэй байгааг харуулжээ.
Энэхүү алдагдал нь Netflix тавцан дээр тоглоомын дэлгэрэнгүй албан ёсны танилцуулга гарахаас хэдхэн хоногийн өмнө тохиож байна. Энэ оны арваннэгдүгээр сард нээлтээ хийхээр төлөвлөгдсөн уг тоглоомын хувьд сүүлийн хэдэн сарын турш мэдээллээр дутагдаж байсан шүтэн бишрэгчдэд эдгээр бичлэгүүд томоохон гэнэтийн бэлэг боллоо.
