Энэтхэгийн Өрсөлдөөний комисс (CCI) технологийн томоохон компани болох HP-ийн Энэтхэг дэх салбарыг хууль бус үйл ажиллагаа явуулсан хэмээн үзэж, 1.4 тэрбум рупи буюу ойролцоогоор 14.4 сая ам.долларын торгууль ногдууллаа.
Комиссын мэдээлснээр, HP компани нь өөрийн түнш борлуулагчидтай хамтран компьютерын төрийн тендерийн үнийг зохиомлоор өсгөж, зах зээлд өрсөлдөөнийг хязгаарласан байна. Үүнээс гадна тус компани нь принтерийн хор, өнгөт хор болон бусад хэвлэх хэрэгслийн худалдаанд ижил төстэй хууль бус арга хэрэглэсэн болохыг тогтоожээ.
Энэхүү үйл ажиллагаа нь бусад үйлдвэрлэгчдийг зах зээлээс шахах, тэр дундаа борлуулагчдыг "хуурамч" буюу албан ёсны бус хор, тонер зарахыг зогсоох зорилготой байсан гэж үзэж байна. Энэтхэгийн зохицуулагч байгууллага HP-ийг өөрийн түншүүдтэйгээ "картель" үүсгэж, зах зээлийн үнийг удирдан чиглүүлсэн гэж буруутгаж байгаа юм. Одоогоор тус компани болон түүний хамтрагчид нийтдээ дээрх хэмжээний торгуулийг төлөхөөр болоод байна.
