League of Legends тоглоомын 26.16 шинэчлэлт гарлаа. Энэхүү шинэчлэлтээр Azir болон Gwen баатруудыг хүчирхэгжүүлсэн бөгөөд мэргэн бууч буюу ADC-уудыг тоглолтын гол эгнээнд эргүүлэн авчрах алхмуудыг хийж байна.
Сүүлийн үед League of Legends тоглоомын доод эгнээнд мэргэн буучдын оронд шидтэнгүүд давамгайлах болсон. Мэргэжлийн тоглогчид хүртэл доод эгнээнд мэргэн буучдаас илүүтэйгээр шидтэнгүүдийг сонгох нь элбэгшээд байв. Үүнд нөлөөлж буй гол шалтгаан нь шидтэнгүүдийн чадвар юм. Тодруулбал, туслагч тоглогч нь эгнээгээ орхин бусад шугам руу явах үед шидтэнгүүд нь дайсны давалгааг хурдан цэвэрлэх чадвартай байдаг.
Түүнчлэн, шидтэнгүүд нь ид шидийн эсэргүүцэл багатай мэргэн буучдыг эгнээндээ дарамтлах, хохирол учруулах өндөр чадамжтай байсан нь тэднийг илүү түгээмэл сонголт болгосон юм. Одоогийн байдлаар 26.16 шинэчлэлтийн хүрээнд хийгдсэн өөрчлөлтүүд нь доод эгнээний тэнцвэрт байдлыг хэрхэн өөрчлөхийг хүлээх л үлдэж байна.
