BLACKPINK хамтлагийн гишүүн, дуучин LISA өөрийн цоо шинэ “Press Play” нэртэй богино хэмжээний цомгоо (EP) албан ёсоор танилцууллаа. Энэхүү цомгийн нэр нь түүний “Tarantino” хэмээх дуунд гардаг “It’s a movie baby, come and press play” гэх мөрнөөс үүдэлтэй юм.
Тэрбээр тус цомогт багтсан нийт зургаан дууныхаа зохиолд бүгдэд нь гар бие оролцон ажиллажээ. Мөн Рианнагийн алдарт “Umbrella” дуун дээр ажиллаж байсан вокал продюсер Kuk Harrell энэхүү цомгийн дуу хоолойн продюсерээр ажилласан байна. Цомгийн уран бүтээлүүдэд реп болон дуулалт хосолсон хэв маяг зонхилох бөгөөд дуу бүр өөрийн гэсэн өвөрмөц өнгө аястай бүтээгджээ.
LISA саяхан есдүгээр сарын 27-нд болсон 2026 оны MTV Video Music Awards наадмаас “Dream” дуугаараа Тейлор Свифт, Ариана Гранде, Сабрина Карпентер, Оливия Родриго нарыг ардаа орхин “Best Pop” шагналыг хүртэж, уг төрөлд ялсан анхны к-поп гоцлол дуучин болсон билээ. Үүнээс өмнө түүний “Alter Ego” цомог Billboard 200 жагсаалтын 7-р байранд хүрч байсан бол есдүгээр сард гаргасан “SaWaDiKa” дуу нь Billboard Hot 100 жагсаалтын 69-д бичигдээд байв.
Ийнхүү амжилтын буухиагаа үргэлжлүүлж буй түүний “Press Play” цомгийн зургаан дууг Billboard Korea албан ёсоор эрэмбэлсэн байна.
