Холливуудын алдарт жүжигчин Люси Лю (тэрээр “Ангелууд Чарли”, “Kill Bill” зэрэг киногоороо Монголын үзэгчдэд танил болсон) 22 настайдаа хөхний хорт хавдартай гэсэн буруу онош тавиулсны улмаас дэмий мэс засал хийлгэсэн тухайгаа ярьжээ.
Тэрээр 1991 онд хөхөн дээрээ хатуу зүйл тэмтрээд эмчид үзүүлсэн байна. Эмч үзлэг хийж, хорт хавдар гэж оношилсон тул Люси Лю мэс засалд оржээ. Гэсэн хэдий ч мэс заслын дараа хийсэн шинжилгээгээр хорт хавдар биш болох нь тогтоогдсон байна.
Жүжигчин бүсгүй энэ талаар ярихдаа, “Энэ бол миний амьдралд тохиолдсон хамгийн хэцүү үеүүдийн нэг байсан. Би маш залуу байсан бөгөөд хорт хавдартай гэж бодохоос айж байсан. Мэс засал хийлгэсний дараа хорт хавдар биш гэдгийг мэдээд маш их баярласан ч, дэмий мэс засал хийлгэсэн гэхээр харамсалтай санагдсан” гэжээ.
Люси Лю өөрт тохиолдсон явдлаас сургамж авч, хүмүүсийг эрүүл мэнддээ анхаарал тавьж, ялангуяа хорт хавдрын эрт илрүүлгийн шинжилгээнд тогтмол хамрагдаж, нэг эмчийн зөвлөгөөгөөр хязгаарлагдахгүй байхыг уриалж байна. Тэрээр “Хэрэв танд ямар нэгэн эргэлзээ байгаа бол заавал хоёр дахь эмчийн зөвлөгөөг аваарай. Энэ нь таны амьдралыг аварч магадгүй” гэж хэлсэн байна.
