Дэлхийн алдартай Marvel ертөнцийн баатруудыг багтаасан багийн тулаант Marvel Rivals тоглоом 8.5 дахь шинэчлэлтээ албан ёсоор танилцууллаа. Энэхүү дунд улирлын томоохон шинэчлэлтийн гол онцлох үйл явдал нь X-Men багийн алдарт удирдагч, нүднээсээ лазер цацруулагч чадвартай Циклоп (Cyclops) тоглоомд шинээр нэмэгдсэн явдал юм. Тэрээр Duelist буюу довтолгооны чиглэлийн дүрээр тоглолтод оролцох бөгөөд тоглогчдын дунд хүлээлт өндөртэй байсан баатруудын нэг байв.
Шинэчлэлтийн хүрээнд зөвхөн шинэ баатар нэмэгдээд зогсохгүй, тоглолтын явцыг илүү сонирхолтой болгох шинэ газрын зураг (map) болон тоглоомын горимууд (mode) нэмэгдлээ. Энэ нь тоглогчдод тактикийн хувьд илүү олон сонголт хийх боломжийг олгож байна. Мөн зуны улирлыг тохиолдуулан баатруудад зориулсан тусгай "Summer skins" буюу зуны загварын хувцаснууд худалдаанд гарсан нь тоглоомын өнгө төрхийг өөрчилж байна.
Marvel Rivals нь Marvel Comics-ийн алдартай баатруудыг ашиглан 6vs6 хэлбэрээр өрсөлддөг багийн тоглоом бөгөөд богино хугацаанд цахим спортын сонирхогчдын анхаарлыг татаад байгаа юм. Шинэчлэлтүүд нь тоглоомын тэнцвэрт байдлыг сайжруулахын зэрэгцээ тоглогчдын идэвхийг нэмэгдүүлэх зорилготой аж. Хэрэв та уг тоглоомыг сонирхдог бол одоо л тоглох хамгийн тохиромжтой үе юм.
