Дэлхийн томоохон технологийн компаниудын нэг, Instagram, Facebook болон Whatsapp платформуудыг эзэмшигч Meta компани хүүхдийн аюулгүй байдлыг хангах тал дээр хангалтгүй ажилласан гэх үндэслэлээр дахин торгууль хүлээлээ.
АНУ-ын Нью-Мексико мужийн шүүгч тус компанийг хүүхдүүдэд хор хөнөөл учруулсан үйл ажиллагааных нь төлөө 567 сая ам.доллароор торгох шийдвэр гаргасан байна. Энэ нь сошиал медиа аварга компанид чиглэсэн хүүхдийн аюулгүй байдалтай холбоотой хамгийн том торгуулийн арга хэмжээний нэг болж байна.
Meta компани нь дэлхий даяар олон тэрбум хэрэглэгчтэй сошиал сүлжээнүүдийг удирддаг бөгөөд тэдний платформууд нь хүүхдүүдийн өдөр тутмын амьдралд нөлөө үзүүлдэг. Шүүхийн энэхүү шийдвэр нь тус компанийн хүүхэд хамгааллын бодлого, хэрэглэгчдийн аюулгүй байдлыг хангах үүрэг хариуцлагатай холбоотой асуудлыг хөндөж байна.
