Дэлхийн томоохон технологийн компаниудын нэг болох Facebook, Instagram болон WhatsApp-ийн эзэмшигч Meta компанийн хувьцааны ханш сүүлийн хэдэн жилийн хугацаанд байгаагүйгээр эрчимтэй сэргэж эхэллээ.
Зах зээлийн шинжээчид болон хөрөнгө оруулагчид тус компанийн хиймэл оюун ухааны (AI) шинэ бодлого болон дэд бүтцийн төлөвлөгөөнд өндөр ач холбогдол өгч байна. Meta-гийн зүгээс хиймэл оюун ухааны үйлчилгээг илүү хямд үнээр нэвтрүүлэхээр төлөвлөж байгаа нь хөрөнгө оруулагчдын итгэлийг сэргээхэд гол нөлөө үзүүлжээ.
Энэхүү өсөлт нь Meta компанийн хувьд сүүлийн хэдэн жилийн хамгийн шилдэг долоо хоног болж байна. Тус компани ирээдүйд хиймэл оюун ухааны салбарт өрсөлдөх чадвараа нэмэгдүүлэх чиглэлээр дэд бүтцийн томоохон ажлуудыг эхлүүлээд байгаа юм.
