NBA-ийн супер од, Кливленд Кавалерс багийн хамгаалагч Жеймс Харден Хьюстон хотод баривчлагдсан тухай мэдээлэл спортын ертөнцийг цочроож байна. Сагсан бөмбөгийн ертөнцийн хамгийн алдартай тоглогчдын нэг болох Харденыг зэвсэгтэй холбоотой зөрчил гаргасан хэмээн буруутгаж, цагдаагийн байгууллагаас саатуулжээ.
Энэхүү үйл явдал нь тоглогчийн хувьд тун таагүй цаг үед тохиож байна. Харден өнгөрсөн дөрвөн сарын өмнө л LA Clippers багаас Кливленд Кавалерс руу шилжин ирсэн бөгөөд багтайгаа шинэ хуудсыг нээхээр ажиллаж байсан юм. Хэдийгээр тухайн хэрэг нь гэмт хэргийн ангилалд багтахгүй, зөрчлийн шинжтэй гэгдэж байгаа ч NBA-ийн нэр хүндтэй тоглогчийн хувьд энэ нь түүний ирээдүйн карьер болон багийн дотоод уур амьсгалд сөргөөр нөлөөлөх нь тодорхой байна.
Жеймс Харден нь NBA-д олон жил тоглосон, "MVP" буюу лигийн хамгийн үнэ цэнэтэй тоглогчийн шагналыг хүртэж байсан домогт тамирчин билээ. Түүнийг талбай дээрх гайхалтай тоглолт, өвөрмөц сахал болон довтолгооны ур чадвараар нь сагсан бөмбөг сонирхогчид андахгүй.
Одоогоор Кливленд Кавалерс багийн зүгээс болон тоглогчийн төлөөлөгчид уг хэргийн талаар албан ёсны мэдэгдэл хийгээгүй байна. Хуулийн байгууллагууд мөрдөн шалгах ажиллагааг үргэлжлүүлж байгаа бөгөөд Харденыг ямар төрлийн зэвсэг эзэмшиж байсан болон хэргийн нарийн ширийн нөхцөл байдал удахгүй тодорхой болох төлөвтэй байна.
