Дэлхийн хамгийн том стриминг платформуудын нэг болох Netflix нь хэрэглэгчдийнхээ идэвхийг сэргээх зорилгоор шинэ алхам хийхээр төлөвлөж байгаа тухай TechCrunch мэдээллээ. Сүүлийн үед тус платформын хэрэглэгчдийн оролцоо удааширч байгаа нь ажиглагдаж байгаа бөгөөд үүнийг шийдвэрлэх арга замуудын нэг нь "always-on" буюу 24/7 цагийн турш үргэлжлэх шууд сувгууд юм.
Энэхүү санаа нь хэрэглэгчдэд юу үзэхээ сонгох шаардлагагүйгээр, хүссэн үедээ шууд үзэж болох контентоор хангах зорилготой аж. Өөрөөр хэлбэл, уламжлалт телевизийн сувгууд шиг тасралтгүй үргэлжлэх нэвтрүүлгийн хуваарийг өөрийн платформ дээрээ бүрдүүлэхээр судалж байна.
Одоогоор Netflix-ийн хэрэглэгчид өөрсдийн хүссэн кино, цувралаа тусгайлан сонгож үздэг системтэй. Харин энэхүү шинэ боломж нэвтэрснээр платформын хэрэглээний шинж чанар өөрчлөгдөж, хэрэглэгчид ямар нэгэн сонголт хийхгүйгээр шууд суваг руу нэвтэрч үзэх боломжтой болох юм. Энэ нь хэрэглэгчдийн идэвхийг нэмэгдүүлэхэд чиглэсэн Netflix-ийн стратегийн алхам гэж үзэж байна.
