Дэлхийн санхүүгийн зах зээлийн томоохон тоглогчдын нэг болох New York Life компани блокчэйн технологийн салбарт анхны алхмаа хийлээ. Нийт 807 тэрбум долларын хөрөнгө удирддаг тус компани өндөр өгөөжтэй корпорацийн бондын стратегиа Centrifuge платформтой хамтран блокчэйн сүлжээнд байршуулж эхэлсэн байна.
Энэхүү үйл явдал нь Уолл-стритийн санхүүгийн байгууллагууд зөвхөн төрийн сангийн бондыг токенжуулах (tokenized Treasury funds) хүрээнээс хальж, илүү өргөн хүрээнд блокчэйн технологид шилжиж байгааг харуулж байна. New York Life нь хөрөнгө оруулалтын бүтээгдэхүүнээ дижитал хэлбэрт шилжүүлэх замаар блокчэйн дээр суурилсан санхүүгийн үйлчилгээний зах зээлийг тэлэх сонирхолтой байгаа юм.
Centrifuge нь бодит хөрөнгийг блокчэйн сүлжээнд нэвтрүүлэх чиглэлээр ажилладаг технологийн компани бөгөөд энэ удаагийн хамтын ажиллагаа нь корпорацийн бондын зах зээлийг илүү хүртээмжтэй, технологийн дэвшилтэт хэлбэрт оруулах зорилготой байна.
