Дэлхийн эмийн зах зээлд тэргүүлэгч компаниудын нэг болох Данийн Novo Nordisk корпораци АНУ-ын Eli Lilly компанийг эсрэг шүүхийн нэхэмжлэл гаргасан байна. Энэхүү маргаан нь GLP-1 буюу чихрийн шижин болон таргалалтын эсрэг үйлчилгээтэй эмийн зах зээлд өрнөж буй ширүүн өрсөлдөөнийг илтгэж байна.
Novo Nordisk компанийн зүгээс Eli Lilly-г сурталчилгаандаа өөрийн бүтээгдэхүүний талаарх эмнэлзүйн хамгийн сүүлийн үеийн мэдээллийг оруулаагүй гэж үзэж байгаа аж. Тодруулбал, өрсөлдөгч компани нь эмийн үйлчилгээ болон үр дүнгийн талаарх шинэчилсэн баримтыг дутуу танилцуулсан нь хэрэглэгчдийг төөрөгдүүлж болзошгүй гэсэн байр суурийг илэрхийлжээ.
Эмийн салбарт томоохон байр суурь эзэлдэг эдгээр хоёр компани нь GLP-1 төрлийн эмийн борлуулалтаар дэлхий дахинд хүчтэй өрсөлдөж байна. Одоогоор энэхүү шүүхийн ажиллагаа үргэлжилж байгаа бөгөөд талуудын хоорондох маргаан нь зах зээл дээрх бүтээгдэхүүний мэдээллийн ил тод байдал болон өрсөлдөөний дүрэмтэй холбоотой томоохон асуудлыг хөндөж байна.
