Хиймэл оюун ухааны салбарт тэргүүлэгч OpenAI компани өөрсдийн бүтээж буй шинэ төхөөрөмжийг зах зээлд гаргахаар төлөвлөж байгаа бөгөөд уг бүтээгдэхүүн нь ухаалаг чанга яригч байх бололтой. ChatGPT-ийн хөгжүүлэгч тус компани шинэ бүтээгдэхүүн дээрээ ажиллаж байгаа тухай мэдээлэл өмнө нь гарч байсан ч одоо илүү тодорхой мэдээллүүд нэмэгдсээр байна.
Эх сурвалжуудын мэдээлж буйгаар, OpenAI-ийн нууцлаг энэхүү төхөөрөмж нь 300-400 ам.долларын үнэтэй байх төлөвтэй байна. Одоогоор тус компани хиймэл оюун ухаанд суурилсан ухаалаг чанга яригч хөгжүүлж байгаа гэх мэдээлэл нь технологийн салбарынхны анхаарлыг ихэд татаж байна.
OpenAI нь ChatGPT-ээр дамжуулан бичвэр болон ярианы хиймэл оюун ухааны зах зээлд томоохон өөрчлөлт авчирсан билээ. Тиймээс тэдний бүтээж буй энэхүү шинэ төхөөрөмж нь хэрэглэгчдийн өдөр тутмын амьдралд хэрхэн нэвтрэх нь одоогоор бүрэн тодорхойгүй байна. Шинэ төхөөрөмжийн талаарх дэлгэрэнгүй мэдээлэл болон үнийн хувьд дээрх хэмжээнд байх эсэх нь цаг хугацааны асуудал болоод байна.
