Paramount Skydance компани Warner Bros. Discovery-ийг худалдан авах 111 тэрбум долларын өртөгтэй хэлэлцээгээ тодорхойгүй хугацаагаар хойшлуулахаар тохиролцлоо. Энэхүү шийдвэр нь нэгдлийн хууль ёсны байдлыг эсэргүүцэн арван хоёр муж улсын зүгээс гаргасан шүүхийн нэхэмжлэлийн дагуу гарч байна.
Шүүхэд ирүүлсэн баримт бичгийн дагуу дээрх компаниуд шүүгч хэргийн талаар эцсийн шийдвэр гаргах хүртэл нэгдэхгүй байхаар тохиролцжээ. Энэхүү хязгаарлалт нь шүүхийн шийдвэр гарснаас хойш таван хоногийн дараа буюу 2027 оны зургаадугаар сарын 1-ний өдөр хүртэл үргэлжлэх юм. Хэрэв тухайн хугацаанаас өмнө шүүхийн шийдвэр гараагүй тохиолдолд нэхэмжлэгч талууд уг хэлэлцээг үргэлжлүүлэн зогсоохын тулд урьдчилсан захирамж гаргуулах хүсэлт гаргах боломжтой ажээ.
Энэхүү хэлэлцээг зогсоохыг шаардсан нэхэмжлэлийг мөн Зохиолчдын эвлэл (Writers Guild of America) гаргасан бөгөөд тэд ч мөн энэхүү сааталд нэгджээ. Нью-Йорк мужийн Ерөнхий прокурор Летиция Жэймс энэхүү тохиролцоог "хэдэн сараар үргэлжлэх зогсолт" хэмээн тодорхойлсон байна.
Прокурор Летиция Жэймс "Хэргийг шийдвэрлэх хүртэл энэхүү нэгдлийг зогсоож байгаа нь хуулийг сахин биелүүлэх болон кино, телевизийн салбарыг хамгаалах бидний хүчин чармайлтын чухал ялалт юм" хэмээн мэдэгджээ.