АНУ-ын сансар судлалын үндэсний агентлаг НАСА-гийн “Артемис 2” хөлөг онгоц Сан-Диего хотын эргээс холгүй Номхон далайд амжилттай газардсан байна. Энэхүү баг нь саран руу хийх урт хугацааны аялалд бэлтгэх зорилготой 10 хоногийн туршилт судалгааны ажлыг сансарт хийж гүйцэтгэсэн юм.
“Артемис 2” хөлгийн багийн бүрэлдэхүүнд сансрын нисгэгч Рид Вайзман, Виктор Гловер, Кристина Кох болон Канадын сансрын агентлагийн сансрын нисгэгч Жереми Хансен нар багтсан. Тэднийг эх дэлхийдээ эсэн мэнд буцаж ирэхэд НАСА-гийн удирдлагууд болон олон улсын хамтрагчдын баг хүч хөдөлмөрөө зориулсан байна.
Энэхүү амжилт нь НАСА-гийн “Артемис” хөтөлбөрийн чухал нэг хэсэг бөгөөд хүн төрөлхтнийг дахин саран дээр буулгах, цаашлаад Ангараг гараг руу аялах зорилгод чиглэсэн томоохон алхам болж байна. “Артемис 2”-ын нислэгийн үеэр цуглуулсан мэдээлэл, туршлага нь ирээдүйн саран дээрх баазын бүтээн байгуулалт, сансрын урт хугацааны аялалд чухал ач холбогдолтой.
НАСА-гийн мэдэгдсэнээр “Артемис 3” хөлөг 2025 онд хөөрөхөөр төлөвлөгдөж байгаа бөгөөд энэ удаагийн нислэгээр эмэгтэй хүн, өнгөт арьст хүнийг саран дээр буулгах түүхэн үйл явдал болох юм. Монголын залуус бид сансар огторгуйн эрэл хайгуулын энэхүү шинэ эрин үеийг анхааралтай ажиглаж, ирээдүйд эрдэм мэдлэгээ зориулах боломжтой шүү.
