Видео тоглоом сонирхогчдын хүсэн хүлээдэг PlayStation State of Play танилцуулах арга хэмжээ 2026 оны есдүгээр сарын 3-нд эргэн ирэхээр болжээ. Энэ удаагийн арга хэмжээ нь өмнөхөөсөө онцлог буюу хоёр цуврал шууд дамжуулалтыг дараалуулан үзэгчдэд хүргэхээрээ ялгарах юм.
Эхний шууд дамжуулалтаар PlayStation Studios болон гуравдагч талын хөгжүүлэгчдийн шинэ тоглоомуудын зарлал, шинэчлэлтүүдийг танилцуулна. Харин түүний араас үргэлжлэх State of Play Japan тусгай хэсэг нь Япон болон Азийн бүс нутгийн студиудын удахгүй гарах тоглоомуудад гол анхаарлаа хандуулахаар төлөвлөгджээ.
