Pokémon цувралыг хөгжүүлэгчээрээ дэлхий дахинд танигдсан Game Freak студи саяхан өөрсдийн хамгийн том төсөл болох Beast of Reincarnation хэмээх action-adventure төрлийн тоглоомыг гаргалаа. Тэд өмнө нь Giga Wrecker Alt, Little Town Hero, Tembo the Badass Elephant зэрэг жижиг хэмжээний тоглоомуудыг бүтээж байсан ч энэ удаагийн төсөл нь тэдний хувьд цоо шинэ алхам болж байна.
Тоглоомын үйл явдал сүйрсний дараах Япон улсад өрнөх бөгөөд гол дүр Эмма хэмээх охин "Blight" хэмээх халдварт өвчнийг тарааж буй мангасыг зогсоохын тулд аялдаг. Тоглоом нь Nier: Automata-тай ижил оршихуйн гүн ухаан, хиймэл оюун ухаан зэрэг сэдвүүдийг хөндөхийг зорьсон боловч шүүмжлэгчдийн зүгээс түүх өрнөлт, дүрүүдийн хөгжүүлэлт тал дээр дутагдалтай байгааг онцолжээ.
Тоглоомын давуу болон сул талууд
Beast of Reincarnation-ийн тулааны систем, дүрслэлийн шийдэл болон нээлттэй ертөнцийн бүсүүд нь тоглогчдын анхаарлыг татахуйц байна. Ялангуяа Эмма өөрийн үсээ ашиглан өндөр барилга байгууламжуудад авирах боломжтой нь тоглоомын босоо чиглэлийн хөдөлгөөнийг илүү сонирхолтой болгожээ. Түүнчлэн Эммагийн хамтрагч Күү нохой нь эд зүйлс олоход тусалдаг нь тоглогчийн цагийг хэмнэхэд чухал үүрэгтэй.
Гэвч тоглоомын өрнөл хэтэрхий ойлгомжгүй, дүрүүд нь сэтгэл хөдлөлгүй, уйтгартай сонсогдож байгаа нь тоглоомын уур амьсгалд бүрэн автахад саад болж байна. Мөн англи хэл дээрх дуу оруулалт, дэд гарчгийн хэмжээ хэт жижиг, өөрчлөх боломжгүй байгаа нь тоглогчдод төвөг учруулж байгаа аж. Хэдийгээр Beast of Reincarnation нь гайхалтай дүрслэл, сонирхолтой тулаантай ч Pokémon-ийн асар том сүүдрээс гарч чадах эсэх нь эргэлзээтэй хэвээр байна.
