Amazon-ий Prime Video платформ аравдугаар сарын 28-ныг дуустал хэд хэдэн нэмэлт стрийминг сувгийн захиалгын үнээ эрс бууруулж, сарын $1.99 болгосон байна. Энэхүү хямдрал нь хоёр сарын хугацаанд үргэлжлэх бөгөөд хэрэглэгчид сар бүр $13 хүртэлх хэмнэлт гаргах боломжтой аж.
Хямдралд Apple TV, Starz, MGM+, Crunchyroll болон AMC+ зэрэг сувгууд багтжээ. Эдгээрээс хамгийн өндөр үнэтэй нь сарын $14.99-ийн төлбөртэй байдаг Apple TV бөгөөд уг хямдралаар хоёр сарын хугацаанд нийт $26 хэмнэх боломж бүрдэж байна. Бусад сувгуудын сарын ердийн үнэ $7.99-өөс $13.99 хооронд байдаг бөгөөд уг урамшууллаар $12-оос $24 хүртэлх хэмнэлт гаргах боломжтой.
Уг хямдралыг ашиглахад тавигдах цорын ганц шаардлага нь хэрэглэгч Prime Video-ийн идэвхтэй захиалагч байх ёстой. Хэрэв одоогоор гишүүнчлэлгүй байгаа бол 30 хоногийн үнэгүй туршилтын хугацаанд бүртгүүлэн хямдралыг авах боломжтойг мэдээлжээ.
Нэмэлт сувгуудын төлбөр нь Prime Video эсвэл Amazon Prime-ийн сарын төлбөртэй хамт тооцогдох бөгөөд контентууд нь тусдаа аппликейшн татах шаардлагагүйгээр шууд Prime Video дансан дотор нээгдэх юм.
