Эрдэм шинжилгээний уран зөгнөлт зохиолоороо алдартай зохиолч Энди Вейрийн (The Martian номоороо сайн мэднэ дээ) "Project Hail Mary" номоос сэдэвлэн бүтээсэн киноны Роки хэмээх харь гаригийн дүрийг амилуулсан жүжигчин Жэймс Ортиз Оскарын шагналд нэр дэвших боломжтой болжээ. Энэ нь хүүхэлдэйн жүжигчдийн хувьд түүхэн үйл явдал болж байна.
Жэймс Ортиз бол мэргэжлийн хүүхэлдэйн жүжигчин бөгөөд түүний бүтээсэн Рокигийн дүр кинонд гайхалтай амь орсон. Кино шүүмжлэгчид түүний тоглолтыг өндрөөр үнэлж, киноны гол дүрүүдийн нэг болохын хувьд Ортизын оруулсан хувь нэмрийг онцолсон байна.
Оскарын шагнал гардуулах ёслолын дүрмийн дагуу жүжигчний дүрийг бүтээхэд бие махбодийн болон дуу хоолойн оролцоо чухал гэж үздэг. Жэймс Ортизын хувьд Рокигийн хөдөлгөөн, зан авирыг бүрэн дүүрэн илэрхийлсэн тул Оскарт нэр дэвших бүрэн боломжтой гэж үзэж байна. Хэрэв тэрээр нэр дэвшвэл хүүхэлдэйн жүжигчдийн хувьд анхны тохиолдол болох юм.
“Project Hail Mary” кино нь дэлхийг аврахын тулд харь гаригийн хамтрагчтайгаа хамтран ажиллаж буй сансрын нисгэгчийн тухай өгүүлдэг. Энэхүү кино нь үзэгчдийн болон шүүмжлэгчдийн таашаалд нийцсэн бөгөөд Ортизын тоглолт киноны амжилтад чухал нөлөө үзүүлсэн гэж үздэг.
Оскарын шагналд хэн нэр дэвшихийг хүлээцгээе. Жэймс Ортиз амжилт гаргахыг хүсэн ерөөе!
