Дэлхийн рок хөгжмийн түүхэн дэх хамгийн нөлөө бүхий хамтлагуудын нэг Rolling Stones-ийн гоцлол дуучин Мик Жаггер болон гитарчин Кит Ричардс нар Billboard сэтгүүлийн шинэ дугаарын нүүр зураг авалтад оролцсон байна.
Лондон хотод болсон ярилцлагын үеэр Мик Жаггер өөрийн зан аашийн хувьд эелдэг боловсон эсвэл шулуун шударга байх гэсэн хоёр өөр дүр төрхийг гаргаж чаддагаа харуулжээ. Тэрээр нисэх онгоцны хөдөлгүүрийн чимээг хүртэл анзаарч, зураг авалтын үеэр сандлын байрлалыг нарийн зааж өгөх зэргээр маш нягт нямбай нэгэн болох нь харагдсан байна.
Харин хоёр хоногийн дараа Нью-Йорк хотын жазз клубт ярилцлага өгсөн Кит Ричардс тэс өөр байв. Тэрээр ухаалаг утасны хэрэглээ болон ач зээ нарынхаа тухай ярихдаа илүү тайван, хөгжилтэй, өөрийн гэсэн өвөрмөц хэв маягийг хадгалсан байна.
Хэдийгээр тэд Америкийн блюз болон R&B хөгжимд ижилхэн хорхойтой ч, тэдний зан чанарын ялгаа нь 63 жилийн турш дэлхийн хамгийн шилдэг рок хамтлагийг бүрдүүлж ирсэн гол хүчин зүйл болж байна. Уншигчид Billboard сэтгүүлийн албан ёсны сайтаас тэдний бүрэн хэмжээний ярилцлага болон зураг авалтын материалтай танилцах боломжтой.
