Дэлхийн Counter-Strike 2 (CS2)-ийн тавцанд өөрсдийн гэсэн байр суурийг эзэлсэн Spirit баг сүүлийн үед Falcons багтай хийсэн тоглолтуудад тааруухан үзүүлэлттэй байгаа билээ. Энэ талаар багийн гол тоглогчдын нэг болох Дмитрий 'sh1ro' Соколов ярилцлага өгөхдөө: "Би одоо үнэхээр юу болоод байгааг ойлгохгүй байна. Falcons-той тоглохоор л болохоор яагаад ч юм бүх зүйл орвонгоороо эргэчихдэг" гэж хэлжээ.
Spirit багийн хувьд S0tF1k гэх шинэ дасгалжуулагчтай болсон нь үндсэн тактик болон тоглолтын хэв маягт нь эерэгээр нөлөөлж байгаа гэж үзэж байгаа юм байна. Sh1ro-ийн хэлснээр S0tF1k-ийн "шинэ өнцөг" нь багийн үндсэн ур чадварыг сайжруулахад тусалж байгаа гэнэ. Гэсэн хэдий ч энэ нь Falcons багтай хийсэн тоглолтод ямар нэгэн байдлаар нөлөөлж чадахгүй байгаа бололтой.
Counter-Strike 2 бол Valve корпорациас гаргасан олон тоглогчийн горимтой, тактик дээр суурилсан шуутер тоглоом юм. Энэ нь дэлхий даяар маш олон фэнтэй ба Монгол улсад ч гэсэн залуусын дунд ихээхэн тархсан тоглоом билээ.
Spirit багийн хувьд цаашдын тоглолтуудад ямар тактик боловсруулж, ялалт байгуулах бол гэдэг нь CS2-ийн шүтэн бишрэгчдийн анхаарлын төвд байна.
