Америкийн онлайн телевизийн стриминг үйлчилгээ болох Sling TV хөлбөмбөгийн шинэ улиралд зориулан хэрэглэгчдэдээ зориулсан шинэ хөнгөлөлт зарлалаа. Тус компани таван сарын урьдчилсан төлбөрт Season Pass багцаа 199.99 ам.доллароор худалдаалж эхэлсэн байна.
Энэхүү тусгай багцад Sling Essentials, Sling Select болон Sports Extra үйлчилгээнүүд нэг дор багтжээ. Ердийн үед Sling Essentials болон Sling Select нь сарын тус бүр 19.99 ам.доллар, харин Sports Extra нь 11 ам.долларын үнэтэй байдаг бөгөөд 5 сарын хугацаанд нийт 254.90 ам.доллар болдог. Иймд шинэ багцыг урьдчилан авснаар хэрэглэгчид 54.91 ам.доллар хэмнэх боломж бүрдэж байна.
Багцад юу багтсан бэ?
Season Pass багцад ESPN, ESPN2, NFL Network, Red Zone зэрэг 30 гаруй спортын суваг багтсан тул спортын хорхойтнуудад өргөн сонголт олгож буй. Үүнээс гадна Disney, FX, National Geographic зэрэг энтертайнмент сувгууд болон 600 гаруй үнэгүй сувагтай Freestream үйлчилгээг ашиглах боломжтой.
Sling TV-ийн мэдээлснээр уг үйлчилгээ нь урт хугацааны гэрээ шаардахгүй бөгөөд хүссэн үедээ цуцлах эсвэл багцаа өөрчлөх боломжтой юм. Энэхүү хязгаарлагдмал хугацааны хямдрал нь есдүгээр сарын 23 хүртэл үргэлжилнэ.
