Snowbreak: Containment Zone хэмээх шинжлэх ухааны уран зөгнөлт, буудлагат төрлийн тоглоом нь олон улсын геймерүүдийн дунд нэлээдгүй алдартай билээ. Гэвч тус тоглоом хоёр сарын турш ямар нэгэн шалтгаангүйгээр зах зээлээс алга болсон нь тоглогчдыг гайхшруулсан юм.

Саяхан тоглоом эргэн ирсэн ч, фэнүүд нь дуртай дүрүүд нь цензурт өртсөнийг олж мэдээд уур бухимдлаа илэрхийлж байна. Тодруулбал, эмэгтэй дүрүүдийн хувцаслалт, гадаад төрх байдалд өөрчлөлт оруулсан байна. Энэ нь тоглоомын фэнүүдийн хувьд маш том цочрол болж, олон нийтийн сүлжээгээр шүүмжлэл өрнүүлж эхэлжээ.

Тоглоом хөгжүүлэгчдийн зүгээс ямар нэгэн албан ёсны тайлбар хийгээгүй байгаа нь нөхцөл байдлыг улам бүр хурцатгаж байна. Зарим фэнүүд цензурыг улс төрийн нөлөөтэй холбоотой гэж үзэж байгаа бол зарим нь компанийн маркетингийн стратеги гэж хардаж байна.

Snowbreak: Containment Zone тоглоом цаашид ямар байр суурьтай байх нь тодорхойгүй байгаа ч, фэнүүдийнхээ итгэлийг сэргээхэд нэлээдгүй хүчин чармайлт гаргах шаардлагатай болж байна.