АНУ-ын хөрөнгийн зах зээлийн гол үзүүлэлт болох S&P 500 индекс мягмар гарагт шинэ дээд цэгтээ хүрсэн нь хөрөнгө оруулагчдын анхаарлыг татаад байна. Гэвч зах зээлийн өсөлтийн дараах нөхцөл байдал эрсдэлтэй байж болзошгүй гэсэн байр суурийг алдартай хөрөнгө оруулагч Майкл Бюрри илэрхийлжээ.
"The Big Short" буюу 2008 оны санхүүгийн хямралыг урьдчилан таамаглаж нэрд гарсан Майкл Бюрри одоогийн өсөлтийн дараа зах зээл 1987 оны уналттай төстэй нөхцөл байдалтай тулгарч магадгүй гэж үзэж байна. Тэрээр зах зээлийн энэхүү хурдацтай өсөлтийг анхааралтай ажиглахыг зөвлөж байгаа юм.
Түүнчлэн Майкл Бюрри технологийн салбарын хувьцаануудтай холбоотой өөрийн сөрөг байр сууриа хэвээр хадгалсаар байна. Тэрээр эдгээр салбарын хувьцааны ирээдүйд итгэл муутай байгаагаа илэрхийлж, хөрөнгө оруулагчдыг болгоомжтой байхыг санууллаа.