Дэлхий дахинд маш их алдартай болсон “Stranger Things” цувралын залуу жүжигчид болох Майя Хоук, Нелл Фишер нар Netflix стриминг үйлчилгээний шинэ кинонд дахин хамтран тоглохоор болсон тухай NME мэдээллээ.
Майя Хоук нь Америкийн жүжигчин бөгөөд “Stranger Things” цувралд Робин Бакли хэмээх дүрээрээ олонд танигдсан. Түүний эцэг эх нь Холливуудын алдарт жүжигчид болох Итан Хоук, Ума Турман нар юм. Харин Нелл Фишер нь мөн л залуу жүжигчин бөгөөд “Stranger Things” цувралд багахан дүрээр тоглосон билээ.
Тэдний оролцох шинэ кино нь “Ойн бурхан” (The God Of The Woods) нэртэй бөгөөд 13 настай охины алга болсон тухай өгүүлэх аж. Киноны талаарх бусад дэлгэрэнгүй мэдээлэл одоогоор хараахан гараагүй байна. Гэсэн хэдий ч, “Stranger Things”-ийн фэнүүд тэднийг дахин нэг дэлгэцнээс харах боломжтой болсонд баяртай байгаа нь дамжиггүй.
