Nintendo компаниас албан ёсоор 11 дүгээр сарын 5-нд гаргахаар төлөвлөж буй The Legend of Zelda: Ocarina of Time римейк тоглоомын урьдчилсан захиалга Amazon талбарт эхэллээ. Эхний геймплей бичлэг цацагдсаны дараа шүтэн бишрэгчдийн анхаарлыг ихээхэн татаж буй тус тоглоомын биет болон дижитал хувилбарууд хоёулаа захиалга авч байна.
Анх 69.99 ам.доллар гэж байсан биет (диск/хайрцагтай) хувилбарын үнэ Amazon дээр 10 ам.доллароор хямдарч, дижитал хувилбартайгаа адил 59.99 ам.доллар болжээ. Мөн Amazon-оос урьдчилсан захиалгын үнийн баталгаа (preorder price guarantee) олгож байгаа бөгөөд хэрэглэгчид захиалснаас хойш гар дээрээ авах хүртэлх хугацаанд үнэ өөрчлөгдвөл хамгийн хямд дүнгээр нь тооцож төлөх боломжтой аж.
Цуглуулагчдад зориулж Nintendo-гоос мэдэгдсэнээр биет хувилбарын эхний хэвлэлт нь тусгай бүтэцтэй тугалган хавтасны зураг бүхий онцгой савлагаатай гарна. Үүнээс гадна уг цувралын 40 жилийн ойд зориулан The Legend of Zelda сэдэвт тусгай Switch 2 консол, Pro Controller болон хамгаалалтын гэр (carrying case) 10 дугаар сарын 29-нд худалдаанд гарах юм.
