Technics болон алдарт The Rolling Stones хамтлаг хамтран ажиллаж, шинэ цомог болох «Foreign Tongues»-ийг угтан EAH-AZ100 загварын хязгаарлагдмал тоотой чихэвчийг танилцууллаа. Энэхүү бүтээгдэхүүн нь дэлхий даяар ердөө 5,000 ширхэг л үйлдвэрлэгдэж байгаагаараа онцлог юм.
Техникийн хувьд энэхүү чихэвч нь Technics-ийн шилдэг EAH-AZ100 загварын үндсэн үзүүлэлтүүдийг агуулсан байна. Тус компани салбартаа анх удаа «Magnetic Fluid Driver» технологийг ашигласан бөгөөд энэ нь дууны гажуудлыг хамгийн бага түвшинд барьж, басс дуугаралтыг илүү тод, гүнзгий сонсгох боломжийг олгодог.
Цуглуулагчдад зориулсан энэхүү бүтээгдэхүүний хайрцаг болон дагалдах хэрэгсэл нь онцгой дизайнтай. Чихэвч нь хар өнгөтэй бөгөөд The Rolling Stones хамтлагийн танигдсан «Lips & Tongue» лого бүхий резинэн хайрцагтай. Мөн чихэвчний хайрцаг бүрийн ар талд 0001-5000 хүртэлх серийн дугаарыг лазераар сийлсэн байх бөгөөд худалдан авагчид өөрийн дугаарыг сонгох боломжгүй, аз таарсан дугаарыг авах юм.
Одоогоор Европын зах зээлд 299 евро, Их Британид 259 фунт стерлингээр худалдаалагдаж буй энэхүү чихэвч нь томоохон жижиглэн худалдааны дэлгүүрүүдээр зарагдахгүй тул сонирхсон хүмүүс Technics-ийн албан ёсны дэлгүүрээр дамжуулан худалдан авах боломжтой.
