Ирландын дөрвөн эрийн бүрэлдэхүүнтэй, дэлхий дахинаа олон сая шүтэн бишрэгчтэй U2 хамтлаг менежментийн багаа шинэ хүчээр зузаатгаж, Spotify-н Глобал Редакцийн газрын дарга асан Сулинна Онгийг хамтран ажиллахаар болжээ.
Сулинна Онгийн хувьд Spotify-д ажиллахын өмнө YouTube-д Ази, Номхон далайн бүсийн хөгжмийн контентыг хариуцаж байсан туршлагатай нэгэн. Тэрээр U2 хамтлагийн менежерүүд болох Ирвинг Азофф, Жеффри Азофф нартай хамтран ажиллах юм.
U2 хамтлаг нь 1976 онд байгуулагдсан цагаасаа хойш дэлхийн хөгжмийн ертөнцөд томоохон байр суурь эзэлсээр ирсэн бөгөөд "With or Without You", "One", "Beautiful Day" зэрэг олон арван хит дуугаараа алдартай. Тэд олон арван жилийн турш Ирвинг Азоффын удирдлага дор ажиллаж ирсэн бөгөөд Сулинна Онгийн нэмэгдэж буй нь хамтлагийн ирээдүйн төлөвлөгөө, дижитал эринд хэрхэн хөл нийлүүлэн алхах гэсэн зорилгын илрэл гэж үзэж байна.
Spotify-н туршлагатай удирдагчийг багтаа элсүүлснээр U2 хамтлаг дижитал хөгжмийн зах зээлд өрсөлдөх чадвараа улам сайжруулж, шүтэн бишрэгчидтэйгээ харилцах шинэ арга замыг эрэлхийлэх боломжтой болж байна. Энэхүү өөрчлөлт нь хөгжмийн салбарт дижитал технологийн нөлөө улам бүр нэмэгдэж байгаагийн тод жишээ юм.
