Дэлхийн такси үйлчилгээний зах зээлд тэргүүлэгч Uber компани Европын бүс нутагт үйл ажиллагаагаа өргөжүүлэхээр төлөвлөж байсан амбицтай зорилгодоо саадтай тулгарчээ.
Энэ оны хоёрдугаар сард тус компани 2026 он гэхэд Европын долоон шинэ зах зээлд үйл ажиллагаагаа албан ёсоор эхлүүлэхээр төлөвлөж байгаагаа зарласан билээ. Гэвч саяхан гарсан мэдээллээр, тус төлөвлөгөөнд багтаж байсан таван зах зээлийн нээлтийн үйл ажиллагааг тодорхойгүй хугацаагаар хойшлуулсан байна.
Технологийн салбарын мэдээллийн TechCrunch сайтад дурдсанаар, Uber-ийн Европын тэлэлтийн стратеги ийнхүү хүндрэлтэй тулгарч байгаа нь анхны төлөвлөгөөгөө эргэн харахад хүргэж байна. Одоогоор тус компаниас нээлтийн үйл ажиллагааг хойшлуулсан шалтгаан болон цаашдын төлөвлөгөөний талаар дэлгэрэнгүй мэдээлэл өгөөгүй байна.
