Видео тоглоом хөгжүүлэгч алдартай Ubisoft компани Tom Clancy’s Ghost Recon Wildlands тоглоомд зориулсан шинэчлэлтийг гаргалаа. "Last Rites" нэртэй энэхүү үнэгүй шинэчлэлт нь бүх платформ дээр дүрслэлийн сайжруулалт хийж, шинэ даалгаврыг нэмж буйгаараа онцлог юм.
Энэхүү шинэчлэлт нь Ghost Recon цувралын 25 жилийн ойг тохиолдуулан хийж буй арга хэмжээний нэг хэсэг бөгөөд уг ойн баяр олон тоглоомыг хамарч байгаа аж. Гэсэн хэдий ч Ubisoft компани энэ удаад Wildlands тоглоомд илүү их анхаарал хандуулж байна.
Үүний зэрэгцээ, тус компани өнөөдрөөс эхлэн Ghost Recon Insider Program хөтөлбөрийг албан ёсоор танилцууллаа. Уг хөтөлбөр нь тоглоом сонирхогчдод тус цувралын дараагийн тоглоомыг бүтээхэд хувь нэмрээ оруулах боломжийг олгож байгаа юм.
