Австралийн мулти-инструменталист, дуучин, хөгжмийн зохиолч Таш Султана BMG хөгжмийн студитэй албан ёсоор гэрээ байгуулснаа Billboard мэдээллээ. Таш Султана бол өөрийн гэсэн өвөрмөц стильтэй, loop station ашиглан ганцаараа бүх хөгжмийг тоглож дуулдаг, дэлхий даяар олон мянган шүтэн бишрэгчтэй авьяаслаг уран бүтээлч билээ.
BMG бол хөгжмийн салбарт нэр хүндтэй, олон арван жилийн түүхтэй студи бөгөөд Таш Султанагийн хувьд энэ нь том амжилт юм. Энэхүү хамтын ажиллагаа нь түүний уран бүтээлийг дэлхий даяар илүү өргөн хүрээнд таниулахад чухал нөлөө үзүүлэх болно гэж мэргэжилтнүүд үзэж байна.
Таш Султанагийн хувьд энэхүү гэрээ нь түүний хөгжмийн карьерын шинэ хуудас болж байгаа бөгөөд BMG-тэй хамтран ирээдүйд ямар гайхалтай уран бүтээл гаргахыг фэнүүд нь тэсэн ядан хүлээж байна. Энэ долоо хоногт Астрид С, Адоре, CMAT, Янг Франко зэрэг олон уран бүтээлчидтэй гэрээ байгуулсан байна.
Таш Султана 2016 онд "Jungle" дуугаараа олонд танигдаж, Австрали болон дэлхий даяар чартуудыг тэргүүлж байсан. Тэрээр олон улсын томоохон фестивалиудад тогтмол оролцдог бөгөөд Монголд ч гэсэн түүнийг сонсох дуртай залуус цөөнгүй бий.
