АНУ-ын Калифорни мужид саяхан болсон FanimeCon анимэ наадмын үеэр нэгэн этгээд явдал болж, олон нийтийг гайхшруулав. Hatsune Miku хэмээх алдартай виртуал поп дуучны дүрд хувирсан нэгэн косплейчин арга хэмжээний дараах үдэшлэг дээр зочдод “хөлийн шүүс” гэх зүйлийг аяга тус бүрийг 15 доллараар зарсан байна.
Hatsune Miku гэдэг нь Япон улсад бүтээгдсэн, дуулах синтезатор програм хангамж бөгөөд түүнийг төлөөлсөн анимэ охин дүр нь дэлхий даяар асар их алдартай билээ. Түүнийг дуурайж хувцаслах нь косплейчдын дунд маш түгээмэл байдаг.
Hарин энэ удаагийн косплейчингийн хувьд зөвхөн дүрд хувираад зогсохгүй, бүр этгээд бизнес санаа олжээ. “Хөлийн шүүс” гэж юу болох нь тодорхойгүй байгаа ч, энэ тухай зураг, мэдээлэл цахим сүлжээгээр тархаж, анимэ сонирхогчдын дунд маргаан, шүүмжлэлийг өрнүүлж байна. Зарим нь энэ үйлдлийг хөгжилтэй, содон гэж үзэж байгаа бол, нөгөө хэсэг нь жигшмээр, ёс зүйгүй хэмээн буруутгаж байна.
Ямартай ч энэ явдал анимэ сонирхогчдын дунд хэрүүл маргаан дэгдээж, цахим орчинд олон мянган сэтгэгдэл, шэйр цуглуулж чадсан нь тодорхой байна.
