АНУ-д олон нийтийг цочроосон нэгэн сонин үзэсгэлэн нээгдлээ. Энэ нь цуст цуврал алуурчдын, тухайлбал Жеффри Дамер (АНУ-ын цуврал алуурчин, каннибал), BTK гэх мэт хүмүүсийн үйлдсэн гэмт хэргийн газруудыг сэргээн харуулсан аймшигт үзэсгэлэн юм байна.
Үзэсгэлэнд орохын өмнө зочдоос сэтгэцийн болон сэтгэл санааны хувьд бэлтгэлтэй байгаагаа баталгаажуулж, гарын үсэг зурахыг шаардаж байгаа нь үзэсгэлэнгийн агуулга хэр зэрэг хүнд болохыг харуулж байна. Тус үзэсгэлэн нь гэмт хэргийн газруудын нарийвчилсан дүрслэл, алуурчдын хэрэглэж байсан зүйлсийг бодитоор харуулснаараа онцлогтой.
Мэдээж хэрэг, энэ үзэсгэлэн олон нийтийн дунд маргаан дагуулж байна. Зарим хүмүүс гэмт хэргийн хохирогчдын дурсгалыг хүндэтгэхгүй байна гэж үзэж байгаа бол зарим нь гэмт хэргийн сэтгэл зүйг судлах, урьдчилан сэргийлэхэд тустай гэж үзэж байна.
Ямартай ч, энэ үзэсгэлэн АНУ-ын соёлд гэмт хэргийн сэдэв хэрхэн нөлөөлж байгааг харуулсан томоохон үйл явдал болж байна. Энэ төрлийн үзэсгэлэн Монголд гарах болов уу? Үзэгчдийн хандлага ямар байх бол?
