АНУ-ын холбооны оюутны зээлийн нөхцөлүүд жил бүр өөрчлөгддөг ч энэ удаагийн "One Big Beautiful Bill Act" (OBBBA) хуулийн хүрээнд хийгдсэн шинэчлэлтүүд олон зээлдэгчдийн хувьд гэнэтийн зүйл болж байна. Оюутны зээлийн системд нөлөөлөх хамгийн гол гурван өөрчлөлтийг танилцуулж байна.
Зээл төлөлтийн төлөвлөгөөний өөрчлөлт
Энэ оны 7-р сарын 1-нээс эхлэн орлогоосоо хамааран төлөлт хийх боломжтой байсан SAVE төлөвлөгөөг бүрмөсөн цуцаллаа. Уг төлөвлөгөөнд хамрагдсан зээлдэгчид 90 хоногийн дотор өөр төлөвлөгөө сонгох шаардлагатай бөгөөд эс бөгөөс автоматаар өөр төлөвлөгөөнд шилжих юм. Мөн орлогоос хамаарах бусад хоёр төлөвлөгөө болох ICR болон PAYE-г 2028 оны 7-р сарын 1 гэхэд бүрэн зогсоохоор төлөвлөж байна. Тэдгээрийг орлох хоёр шинэ төлөвлөгөө нь шатлалт стандарт төлөвлөгөө болон зээл төлөлтийн тусламжийн төлөвлөгөө (RAP) юм.
Магистр болон мэргэжлийн зэргийн зээлийн хязгаарлалт
Өмнө нь магистр, хууль, анагаах ухаан, шүдний эмч зэрэг мэргэжлийн чиглэлээр суралцагчид Grad PLUS зээлийг авах боломжтой байсан. Гэвч одоогийн Боловсролын яамнаас Grad PLUS зээлийг цуцалж, зээлдэгчид зөвхөн "Direct Unsubsidized Loan" хөтөлбөрөөр дамжуулан холбооны санхүүжилт авах боломжтой боллоо. 2026-2027 оны хичээлийн жилд магистр болон мэргэжлийн чиглэлийн оюутнуудад зориулсан уг зээлийн хүү 8.07 хувь байна.
Зээлдэгчид өөрийн нөхцөл байдалд тохирох зээл төлөлтийн хувилбарыг сонгохдоо Боловсролын яамны вэбсайт дээрх тооцоолуурыг ашиглахыг зөвлөж байна.
