Дисней сувгийн залуучуудын дунд хамгийн их хүлээлттэй байгаа "Descendants" цувралын тав дахь анги болох "Descendants: Wicked Wonderland" киноны шинэ трэйлер цацагдлаа. Энэхүү кино нь алдартай үлгэрийн баатруудын хүүхдүүдийн адал явдлыг харуулдаг бөгөөд шинэ ангид Кайли Кантралл (Red) болон Малиа Бейкер (Chloe) нар гол дүрийг бүтээжээ.
Цацагдсан богино хэмжээний трэйлерээс харахад гол дүрүүд болох Ред болон Клое нар "Бид юу хийчихэв ээ?" хэмээн асууж байгаа нь киноны үйл явдал тун ээдрээтэй, сонирхолтой эргэлтүүдээр дүүрэн байхыг илтгэж байна. Тэднийг ямар адал явдал, ямар аюул хүлээж байгаа нь шүтэн бишрэгчдийн анхаарлыг зүй ёсоор татаж байна.
Кайли Кантралл нь Америкийн өсвөр үеийнхний дунд алдартай дуучин, жүжигчин бол Малиа Бейкер нь Нетфликсийн "The Baby-Sitters Club" цувралаараа олонд танигдсан авьяаслаг жүжигчин юм. Тэдний хамтын ажиллагаа болон киноны өнгө аяс нь өмнөх ангиудаас илүү өргөн цар хүрээтэй, шинэлэг байх болно хэмээн бүтээгчид нь амлаж байна.
"Descendants: Wicked Wonderland" кино нь ирэх долдугаар сарын 16-нд Disney сувгаар албан ёсоор нээлтээ хийх бөгөөд маргааш нь буюу долдугаар сарын 17-нд Disney+ стриминг платформ дээр байршиж, дэлхий даяарх үзэгчдэд хүрэх юм. Диснейн үлгэрийн ертөнцөд дуртай залуус энэ зуны хамгийн том үйл явдлыг тэсэн ядан хүлээж байна.
