Дэлхийн хөгжмийн ертөнцөд “Levitating” хит дуугаараа танигдсан, Британийн дуучин Дуа Липа “Samsung” компанийг өөрийнх нь нүүр царайг телевизийн хайрцаг дээр зөвшөөрөлгүй ашигласан хэмээн шүүхэд өгсөн тухай Billboard мэдээллээ. Дуа Липагийн хувьд Samsung бол дэлхийд хамгийн том технологийн компаниудын нэг билээ.
Дуучин бүсгүй “Samsung” компани түүний зургийг телевизийн хайрцаг дээр ашиглаж, өөрийнх нь нэр хүндийг гутаан доромжилсон гэж үзэж байна. Түүний өмгөөлөгчдийн хэлснээр энэ нь “зориуд хийсэн буруу үйлдэл” бөгөөд Дуа Липагийн хувийн эрх, оюуны өмчийг зөрчсөн хэрэг юм.
Дуа Липагийн зүгээс Samsung-ийг их хэмжээний мөнгөн торгууль төлүүлэхийг шаардаж байгаа бөгөөд цаашид түүний зургийг ашиглахыг бүрмөсөн хориглохыг хүсчээ. Энэ хэрэг олон нийтийн анхаарлыг ихээхэн татаж байгаа бөгөөд одоогоор Samsung-ийн зүгээс ямар нэгэн тайлбар хийгээгүй байна. Энэхүү шүүх хурал нь алдартнуудын эрх ашгийг хамгаалах, компаниудын хариуцлагыг нэмэгдүүлэхэд чухал нөлөө үзүүлж магадгүй юм.
Уужим.com сайт энэ хэргийн талаарх мэдээллийг үргэлжлүүлэн хүргэх болно.
