Америкийн алдартай дуучин Тинаше өөрийн шинэ цомог болох 'Popstar'-ыг есдүгээр сарын 25-нд гаргахаар төлөвлөж байгаагаа зарлалаа. Энэхүү цомог нь нийт 16 дуунаас бүрдэх аж.
Цомгийн сурталчилгааны хүрээнд тэрээр Лос-Анжелес хотод машин эвдэж буй бичлэгээ цахим сүлжээнд байршуулсан нь олны анхаарлыг ихэд татсан юм. Энэхүү үйл явдлын учир нь пүрэв гарагт нээлтээ хийсэн түүний 'Crash Out' шинэ синглтэй холбоотой байжээ. Уг дуунд дуучин бүсгүй өөрийг нь шүүмжлэгчдэд хандан хатуухан үгсийг хэлснээрээ онцлог болсон байна.
'Popstar' нь түүний 2024 онд гарсан 'Quantum Baby' цомгоос хойшхи анхны томоохон уран бүтээл болох юм. Түүний өмнөх 'Nasty' дуу нь Billboard Hot 100 жагсаалтын 61-р байрт бичигдэж байсан бол Disco Lines-тэй хамтран гаргасан 'No Broke Boys' ремикс дуу нь 39-р байрт орж байв.
Цомгийн нүүр зурагт Тинаше чихэвч, нүдний шил зүүж, оддын хээтэй нүдний хүүхэн хараатайгаар дүрслэгджээ. Дуучин бүсгүй шинэ цомгийнхоо дуунуудыг есдүгээр сард Мэрилэндэд болох All Things Go фестиваль дээр анх удаа амьдаар дуулах төлөвтэй байна.
