Хөлбөмбөгийн спортын домог, Английн шигшээ багийн тоглогч асан Дэвид Бекхэм алдартай Fortnite тоглоомтой хамтран ажиллахаар болжээ. Энэхүү мэдээллийг тэрээр өөрийн Instagram хуудсаараа дамжуулан баталж, "Би шинэ Fortnite дүрээ бүтээж байна... Тун удахгүй бэлэн болно" хэмээн бичсэн байна.
Fortnite тоглоомыг хөгжүүлэгч Epic Games компанийн албан ёсны X (хуучнаар Twitter) хаягт ч мөн тус хамтын ажиллагааг харуулсан бичлэгийг байршуулжээ. Уг бичлэгт Бекхэм толинд харахад түүний тоглоом доторх дүр тусгагдаж буйг харуулсан байна.
Одоогоор Fortnite-ийн дэлгүүрт уг дүр хэзээ худалдаанд гарах нь тодорхойгүй байгаа ч ирэх долоо хоногт багтаан нэмэгдэнэ хэмээн таамаглаж байна. Зарим эх сурвалжийн мэдээлснээр, 2026 оны хөлбөмбөгийн Дэлхийн аварга шалгаруулах тэмцээний финал долдугаар сарын 19-нд болох тул уг дүр долдугаар сарын 18-нд буюу бямба гарагт нээлтээ хийх магадлалтай байна.
Дэвид Бекхэм нь Англи болон Норвегийн багуудын тоглолтын үеэр багаа дэмжиж байсан бөгөөд түүнийг Дэлхийн аварга шалгаруулах тэмцээний финалд хүрэлцэн ирнэ хэмээн хүлээж байна. Энэ нь Fortnite тоглоомын хувьд томоохон сурталчилгаа болох юм.
