Дэлхий даяар алдартай "Stranger Things" цувралын Хопперийн дүрээр танигдсан жүжигчин Дэвид Харбор саяхан өгсөн ярилцлагадаа хувийн амьдрал болон ажлын талбарынхаа сонирхолтой сэдвүүдийг хөндлөө. Тэрээр өөрийн эхнэр, Британийн дуучин Лили Аллены "West End Girls" дуунд дурдагдсан тэдний гэрлэлтийн тухай өгүүлэмж нь өөрийнх нь мэдэрсэн зүйл биш гэдгийг онцолсон байна.
Лили Аллен бол 2000-аад оны үед "Smile", "LDN" зэрэг хит дуугаараа дэлхийг шуугиулж байсан поп од юм. Хосууд 2020 онд гэрлэсэн бөгөөд тэдний харилцаа үргэлж олны анхааралд байдаг. Гэвч Харбор дуучин эхнэрийнхээ уран бүтээлдээ тусгасан гэрлэлтийн "хэцүү бэрх" талууд нь өөрийнх нь хувьд огт өөр өнцөгтэй байгааг тайлбарлав. Түүний хэлснээр, уран бүтээлч хүн өөрийн мэдрэмжээ дуугаараа дамжуулан илэрхийлэх нь хэвийн үзэгдэл ч, тэрхүү түүх нь тэдний бодит харилцааг бүрэн илэрхийлж чадахгүй аж.
Үүнээс гадна, жүжигчин эр "Stranger Things" цувралын гол дүр болох Милли Бобби Браунтай зураг авалтын талбай дээр үүсгэсэн бага зэргийн үл ойлголцлын талаар анх удаагаа ам нээв. Тэрээр дэлхийд танигдсан залуу жүжигчин Миллитэй хамтран ажиллах явцад үүссэн хурцадмал байдал нь уран бүтээлийн явцад гардаг ердийн маргаан байсан гэдгийг онцолж, одоо тэдний харилцаа хэвийн байгааг дурджээ.
Дэвид Харбор ийнхүү хувийн амьдрал болон ажлын харилцааныхаа талаар илэн далангүй ярьсан нь түүнийг шүтэн бишрэгчдийнх нь дунд илүү ойр дотно мэт сэтгэгдлийг төрүүлээд байна.
