Америкийн рок хөгжмийн продюсер, инженер Жэк Дуглас таалал төгссөн тухай мэдээлэл цацагдлаа. Тэрбээр Даваа гарагийн орой /5-р сарын 11/ 80 насандаа хорвоог орхисон байна. Жэк Дуглас нь Жон Леннон, Aerosmith, Patti Smith зэрэг дэлхийд алдартай олон уран бүтээлчдийн цомгийг продюсерлэж, хөгжмийн ертөнцөд үнэтэй хувь нэмэр оруулсан билээ.
Тэрээр Жон Ленноны “Double Fantasy” цомгийг хамтран продюсерлэж, Aerosmith хамтлагтай олон жил хамтран ажиллаж, “Toys in the Attic”, “Rocks”, “Draw the Line” зэрэг алдартай цомгуудыг нь бүтээсэн юм. Мөн тэрээр Patti Smith-ийн “Wave” цомог дээр ажилласан бөгөөд олон арван жилийн турш хөгжмийн салбарт өөрийн гэсэн өнгө төрх, нөлөөгөө үлдээсэн билээ.
Жэк Дугласын нас барсан тухай мэдээлэл хөгжмийн ертөнцийг цочроож, олон уран бүтээлчид болон шүтэн бишрэгчид нь түүний гэгээн дурсгалыг хүндэтгэн эмгэнэл илэрхийлж байна.
Түүнийг “гайхалтай уран бүтээлч, хамтран ажиллагч, бидэнд гүн гүнзгий урам зориг өгсөн хүн” хэмээн олон хүн дурсан ярьж байна. Жэк Дугласын хөгжимд оруулсан хувь нэмэр үүрд дурсагдах болно.
