Бостоноос Филадельфийн 76-р багт шилжсэн NBA-ийн тоглогч Жэйлен Браун өөрийнх нь нэр хүндэд сөргөөр нөлөөлж буй хэвлэл мэдээллийнхний эсрэг дуугарч эхэллээ. Тэрээр саяхан Twitch платформ дээр хийсэн шууд нэвтрүүлгийнхээ үеэр өөрийнх нь талаар бодит бус мэдээлэл түгээдэг сэтгүүлчид болон шинжээчдийг ил тод шүүмжилсэн байна.
Браун өөрийнх нь талаар таагүй өнгө аястай мэдээлэл цацсан гэж үзэж буй Стивен А. Смит, Кендрик Перкинс, Колин Коухерд, Бобби Маркс нарыг нэр цохон дурджээ. Тэрээр тэдгээр хүмүүсийн өөрийнх нь тухай ярьсан нэвтрүүлгийн хэсгүүдийг шууд дамжуулалтынхаа үеэр тоглуулж, өөрийн байр суурийг илэрхийлсэн байна.
Ялангуяа "нэрээ нууцалсан эх сурвалж"-ийн мэдээлэлд тулгуурлан худал ташаа, нэр хүндэд халтай зүйлсийг ярьж байгаад бухимдаж буйгаа илэрхийлжээ. NBA-ийн оддын үйл ажиллагааг байнга хянаж байдаг томоохон хэвлэл мэдээллийнхэн болон спортын шинжээчдийн эсрэг ийнхүү нээлттэй тэмцэж байгаа нь олны анхаарлыг татаад байна.
