АНУ-ын Засгийн газар томоохон компаниудын хувьцааг эзэмших болсон нь санхүүгийн зах зээл дэх шинэ хандлагыг харуулж байна. Олон улсын санхүүгийн MarketWatch мэдээллийн агентлагийн онцолсноор, энэ нь түр зуурын яаралтай арга хэмжээ бус, харин аж үйлдвэрийн бодлогыг хэрэгжүүлэх байнгын хэрэгсэл болж байгаа юм.
Шинэ чиг хандлага
Өмнө нь засгийн газрын оролцоог зөвхөн хямралын үед эдийн засгийг дэмжих, аврах зорилготой "нөөц" хэлбэрээр ашигладаг байсан бол одоо энэ нь бодлогын үндсэн арга хэрэгсэл болон хувирч байна. Өөрөөр хэлбэл, таны хөрөнгө оруулалт хийсэн хувьцааг Засгийн газар ч гэсэн эзэмших боломжтой болжээ.
Эрсдэлийн хүчин зүйл
Засгийн газар компаниудын хувьцааг эзэмшигч болох нь эдийн засгийн эрсдэл дагуулж байгааг шинжээчид анхааруулж байна. Энэхүү өөрчлөлт нь зах зээлийн чөлөөт өрсөлдөөн болон хөрөнгө оруулалтын орчинд хэрхэн нөлөөлөх нь тодорхойгүй байгаа бөгөөд хувьцаа эзэмшигчдийн хувьд анхаарал хандуулах ёстой сэдэв болоод байна.
Засгийн газар ийнхүү аж үйлдвэрийн салбарт шууд оролцох болсон нь улс төрийн шийдвэр гаргалт болон бизнесийн үйл ажиллагааг хооронд нь нягт холбож байгаагаараа онцлог юм.