Илон Маск гэх хүн бол дэлхийд алдартай, цахилгаан машин үйлдвэрлэгч Tesla болон сансрын хөлөг бүтээгч SpaceX компанийг үндэслэгч билээ. Тэгвэл түүний Tesla компани Bitcoin-д хөрөнгө оруулалт хийснээрээ багагүй хэмжээний алдагдал хүлээсэн тухай мэдээлэл гарчээ.
Tesla-гийн тайланд дурдсанаар тэдний Bitcoin-ы нөөц 11,509 BTC хэвээр байгаа бөгөөд одоогийн ханшаар (ойролцоогоор 78,000 доллар) 880 сая доллартай тэнцэж байна. Гэсэн хэдий ч, энэ хөрөнгө оруулалт нь 173 сая долларын алдагдал авчирсан байна. Энэ нь Bitcoin-ы ханшийн савлагаатай холбоотой гэж шинжээчид үзэж байна.
Tesla нь 2021 онд 1.5 тэрбум долларын Bitcoin худалдан авч байсан бөгөөд тухайн үед энэ нь маш том шуугиан тарьж байв. Улмаар тухайн жилийнхээ сүүлээр зарим Bitcoin-оо зарж ашиг олсон ч, ханш унаснаар алдагдал хүлээхэд хүрсэн бололтой.
Энэ мэдээ нь Bitcoin-ы зах зээлд тодорхой хэмжээний нөлөө үзүүлж болзошгүй юм. Ялангуяа, Tesla шиг том компанийн шийдвэр нь бусад хөрөнгө оруулагчдад дохио болдог талтай. Гэхдээ Bitcoin-ыг дэмжигчид энэ нь түр зуурын үзэгдэл бөгөөд урт хугацаандаа өсөх боломжтой гэж үзэж байгаа юм.
