Дэлхийн хөгжмийн ертөнцийн хамгийн маргаантай эрхмүүдийн нэг, реппер Канье Уэст (одоогийн нэрээр Йе) дахин нэг ноцтой хэрэгт нэр холбогдлоо. Тодруулбал, "La Roux" хамтлагийн дууны клипний зураг авалтын үеэр Канье Уэст өөрийг нь боомилж, биед нь халдсан хэмээн загвар өмсөгч бүсгүй ил тод ярьсан нь олон нийтийн анхаарлыг татаад байна.
Хохирогч эмэгтэйн ярьснаар, зураг авалтын үеэр Канье Уэст гэнэт түүн рүү дайрч, хоёр гараараа хоолойг нь боомилжээ. Тэрээр: "Тэр намайг хоёр гараараа боомилж, нүүрний будгийг минь арчиж, хуруугаа миний ам руу чихсэн. Би маш их айж, амьсгалж чадахгүй байсан" хэмээн тухайн үеийн аймшигтай мөчүүдийг хуваалцсан байна. Загвар өмсөгч бүсгүйн хэлснээр, тухайн үед зураг авалтын талбайд байсан хүмүүс энэ үйлдлийг зогсоохын оронд зүгээр л харж зогссон нь түүнийг илүү их цочролд оруулжээ.
Канье Уэст нь өмнө нь ч өөрийн ааш авир, хяналтгүй үйлдлүүдээрээ олон удаа шүүмжлүүлж байсан нэгэн. Тэрээр "Gold Digger", "Stronger" зэрэг олон арван хит дуугаараа дэлхийд танигдсан ч сүүлийн жилүүдэд хувийн амьдрал болон ёс зүйн асуудлуудаар байнга хэвлэлийн бай болдог.
Одоогоор Канье Уэстийн багийн зүгээс энэхүү мэдэгдэлтэй холбоотой албан ёсны тайлбар өгөөгүй байна. Гэвч энэ хэрэг нь урлагийн салбарт эмэгтэйчүүдийн аюулгүй байдал, эрх мэдлийн хэтрүүлэг хэрхэн нөлөөлдгийг дахин нэг удаа хөндөж, шүүмжлэл дагуулаад байна.
