Крипто валютын салбарт аюулгүй байдлыг хангах чиглэлээр ажилладаг CertiK компани 2026 он гэхэд крипто халдлага улам бүр гаарч, фишинг, гүн хуурамч (deepfakes), хангамжийн сүлжээний халдлага зэрэг арга хэрэгслүүд гол зэвсэг болохыг анхаарууллаа.
Сүүлийн үед крипто халдлага ихэсч байгаа нь хэрэглэгчид аюулгүй байдлын үндсэн дэглэмүүдийг үл тоомсорлож байгаатай холбоотой гэж CertiK үзэж байна. Жишээлбэл, хүчтэй нууц үг ашиглах, хоёр хүчин зүйлт баталгаажуулалт (2FA) идэвхжүүлэх, эргэлзээтэй линк дээр дарахгүй байх зэрэг энгийн арга хэмжээг авснаар халдлагаас өөрийгөө хамгаалах боломжтой.
"Гүн хуурамч" гэдэг нь хиймэл оюун ухааны тусламжтайгаар бодит мэт хуурамч дүрс, бичлэг, дуу хоолойг бүтээх технологийг хэлнэ. Хакерууд үүнийг ашиглан нэр хүндтэй хүмүүсийн дүрийг дуурайж, хэрэглэгчдийг хууран мэхлэх боломжтой.
Hангамжийн сүлжээний халдлага гэдэг нь програм хангамж нийлүүлэгчдийн аюулгүй байдлыг эвдэж, улмаар олон тооны хэрэглэгчдийг хортой кодоор халдварлуулахыг хэлнэ. Энэ төрлийн халдлага нь маш аюултай, учир нь халдвар авсан програм хангамжийг ашиглаж байгаа хэрэглэгчид халдлагын талаар огт мэдэхгүй байх магадлалтай.
CertiK-ийн мэргэжилтнүүд крипто хэрэглэгчдийг сонор сэрэмжтэй байж, аюулгүй байдлын зөвлөмжийг дагаж мөрдөхийг уриалж байна. Мөн крипто валютын бирж болон төслүүд аюулгүй байдлын системийг тогтмол сайжруулж, хамгаалалтын шинэ аргуудыг нэвтрүүлэх шаардлагатайг онцолжээ.
