Америкийн нэрт дуучин, поп од Кэти Перри тансаг зэрэглэлийн харш худалдан авах асуудлаар Техасын саятан Карл Весткоттой олон жилийн турш үргэлжилсэн шүүхийн маргаанд ялалт байгуулж, нийт 5 сая долларыг буцаан авахаар болжээ. Энэхүү мөнгөний 2 сая доллар нь шүүхийн шийдвэрээр олсон ялалтын төлбөр бол 3 сая доллар нь шүүхийн зардлыг нөхөх зориулалттай юм байна.
Кэти Перри нь “I Kissed a Girl”, “Roar”, “Firework” зэрэг олон хит дуугаараа дэлхий дахинд танигдсан, Грэммийн шагналд олон удаа нэр дэвшиж байсан, Америкийн хамгийн амжилттай дуучдын нэг билээ. Тэрээр 2020 онд Калифорни мужийн Монтесито хотод тансаг харш худалдан авахаар төлөвлөж байсан бөгөөд Карл Весткот уг харшийг худалдахаар болсон байв. Гэвч Весткот гэрээг цуцалж, улмаар талуудын хооронд шүүхийн маргаан үүссэн юм.
Шүүх хуралдааны үеэр Весткот гэрээнд гарын үсэг зурах үедээ эрүүл мэндийн байдлын улмаас хангалттай ухамсартайгаар шийдвэр гаргаж чадаагүй гэж мэдэгдсэн. Гэсэн хэдий ч шүүх Кэти Перригийн талд шийдвэр гаргаж, улмаар Весткотыг 2 сая доллар төлөхөөр болгосон. Харин саяхан болсон шүүх хурлаар шүүгч Весткотыг Кэти Перригийн шүүхийн зардлын 3 сая долларыг нэмж төлөх шийдвэр гаргажээ.
Энэхүү ялалт нь Кэти Перригийн хувьд том амжилт болж байгаа бөгөөд түүний хууль ёсны эрхийг хамгаалж чадсаныг илтгэж байна. Энэ хэрэг нь алдартнууд болон энгийн иргэдийн хооронд үл хөдлөх хөрөнгийн маргаан хэрхэн үүсэж болохыг харуулж байгаа бөгөөд шүүх шударга шийдвэр гаргах ёстой гэдгийг сануулж байна.
