Apollo Global Management хөрөнгө оруулалтын компанийн гүйцэтгэх захирал асан, тэрбумтан Леон Блэк АНУ-ын Конгресст өгсөн мэдүүлэгтээ томоохон хэмжээний мөнгөн төлбөр хийснээ хүлээн зөвшөөрлөө. Тэрээр зургаадугаар сарын 26-ны өдөр АНУ-ын Төлөөлөгчдийн танхимын Хяналтын хороонд өгсөн ярилцлагынхаа үеэр энэ тухай ярьсан байна.
Блэкийн мэдээлснээр, тэрээр өмнө нь амрагийн харилцаатай байсан эмэгтэйд 21 сая ам.доллар төлжээ. Уг эмэгтэй түүнийг амьдралыг нь сүйтгэсэн хэмээн буруутгаж, 100 сая ам.доллар нэхэмжилсний улмаас ийм алхам хийхэд хүрсэн гэж тэрбумтан тайлбарласан байна. Леон Блэк өөрийг нь дээрх эмэгтэйгээр дамжуулан бүдүүлгээр сүрдүүлж, дарамталсан гэж үзэж байгаагаа илэрхийлжээ.
Энэхүү мэдүүлэг нь талийгаач Жэффри Эпштейнтэй холбоотой асуудлаар явагдаж буй Конгрессын мөрдөн байцаалтын хүрээнд зохион байгуулагдсан сайн дурын ярилцлага байсан юм.
