Испанийн Мадрид хотноо жил бүр зохион байгуулагддаг Mad Cool хөгжмийн наадам энэ жил 10 жилийн ойгоо тэмдэглэж байна. Наадмын эхний өдөр үзэгчдэд олон сонирхолтой тоглолтуудыг толилууллаа.
Энэ удаагийн наадмын эхний өдрийн тайзнаа рок хөгжмийн ертөнцийн алдарт Foo Fighters хамтлаг, Британийн алтернатив рок хамтлаг Wolf Alice нар гарч ирсэн нь наадамд оролцогчдын анхаарлыг ихэд татав. Түүнчлэн наадмын хөтөлбөрт The Last Dinner Party, Dogstar болон Moby нарын уран бүтээлчид багтаж, арга хэмжээг улам өргөжүүлжээ.
Mad Cool наадам нь жил бүр олон улсын томоохон уран бүтээлчдийг нэг дор цуглуулдаг бөгөөд 10 жилийн ойн хүрээнд зохион байгуулагдаж буй энэ удаагийн арга хэмжээ нь эхний өдрөөсөө л эрч хүчтэй эхэллээ.
